Syair tua Makassar (Pakkio’ Bunting)

Pakkio’ Bunting

Iya dende ‘Iya dende Nia tojemmi anne battu

Bunting kutayang Salloa kuminasai

Nampako ri ujung bori’ Ri cappa Pakrasangangku

Ku’rappo cini Kutimbarangngi pangngai

Kuassennunji lania Nakuitungko labattu

Ku’ragi memang berasa ri mangko kebo’

Nasadia lebba batta rappo ripala’ limangku

Kunnanro memang leko’ ri talang bulaeng

Kuntu intang maccayanu nibelo-belo jamarro,

Makilo-kilo massingarri dallekannu

Labbiri’ nuparammata jamarro moncong bulonu

Bulaeng ti’no ansuloi paccini’nu

Lakukapeangko anne sumanga’nu mabellayya

Ku kiyo’ tongi tubunu sallo lampayya

Baji kualleko anne bunga-bunga tamalatea

Latei bunga tamalate cinikannu

Sikuntu’ sanrapang tongko bulang simombo’ i raya

Nasussung pale natinriang wari-wari

Wari-wari kapappassang pale’ mannuntungi bangngi,

Nisailenu tamalajju cinikannu

Nacini’ ma’mole-mole, ma’mole-mole nikio’ Daeng

Ni pakalompo nikanro ana’ karaeng

Kupattannangngangko anne tope talakka ri aya’

Mallakka tope tamalakka’ko i kau

Nutuli manai mae ri balla’na matoannu

Matoang tuna, ipara’ kamase-mase

Mangngonjo’ tommako anne tuka’ tallua anronna

Andakkai sampuloa baringanna

Manjappu’ tommako pole coccorang nita’bu ta’bu

Numannyorong pakke’bu’ digiring-giring

Tulusu’mako manai’ ammalo ri paddaserang

Ri kale balla dapara nilapa’ jali’

Dasere’ nijaling kawa’ nanianrong bassi kalling

Nisaule narau kanja nicini’

Nanumaddakkamo pole rapa’langga batang rappo

Mannoso tongko’ ma’dongko ri tau-tau

Nanutulimo antama rawanganna timbaonu

Ri benteng polong tappere’ paramadani

Ajjo’jo kairi kanang massuro suro rapannu

Numapparenta, mappatuju sangkammannu

Naremba-rembako pole ana’ rara patampulo

Nitumaningi rivlonrong beru ma’bakka

Benteng polong kana sako

Kanako benteng pakkai kai’ topenu, pasikai simbolennu

Manai’ manaungko sallang turi bara’ baranginnu

Assulu’ antama’, ata maballa’ balla’nu

Numajjangang rassilerang, numattedong rassi bara

Nakatumbangngang, pallangga ase berunu

Nakatepokangi pole, dodoso’ ase toanu

Nalamporo’nu tana alle passinringang

Tamanraikko ri ambong takalaukko ri jawa

Nanukuasa, kalumannyang barang-barang

Tama’botoro’ nummeta, tamaddangngangko nulaba

Caddi resonu, namalompo wassele’nu

Asse’re se’reko sallang, ri matoang kasi-asi

Nummannulungi, ipara’ kamase-mase

Nai’mi sallang tuannu, salladasere’ dalle’nu

Lompo arennu, kaleleang mange-mange

Kuminasaiko sunggu, kutinjakkiko mate’ne

Nusunggu tojeng, numate’ne tojeng-tojeng

Labbui bannang ri Jawa, labbuangngangi umuru’nu

Lompoi lino, lompoang rawa-rawanu

Lebba gentung timbaonu, lebba’ tantang pakkalli’nu

Nikida-kida, timbao ni ura’ tallu

Lebba’ basami ba’ra’nu

Lebba gusu’ langiri’nu

Tattannang tommi, capparu’ pa’minyakannu

Nanutulimo antama, ri bili’ kamulianu

Mannoso’ badang, annimbang bangkeng pacciko

Nukana kanami sallang, saraka ripamminangnga, tapau pau

Bunga rikatinroannu, musigala gala genre’

Nusireppe rappo toa

Nusippattoa, nusipaccammo cammoi nusilappa’ leko’ toa

Nusipattoa toai, sitanro takkang, sibuccu pa’dengka dengka

Numa’mana’ mana’ sarre

Numa’borong unti jawa

Pinruang se’re, numajjarimo tamanang

Lino-linopi anging, nubokoi toppi langi’

Puppusu’ takkang, pakkeke mappasisa’la

Manai ngasemmi mae, anrong guru ningainnu

Anrong taunnu, kapala’ nipaemponu

Battu ngasemmi anjo pole, bijannu pammanakkannu

Bella bellanu, sanggenna turikalennu

Nipanai’mako sallang, ripangka’ pangka bulaeng

Nanipaempo, nadallekang pangngaddakkang

Sipoko’ bu’nemi sallang, tantanna je’ne matannu

Sipoko camba, pa’matti’na iloro’nu

Kupattannangngangko anne, anggoro’ ri gantironu,

Kupa’lamungang lemo tanneng ri dolangang

Nakacinnanga somba, nakanakkukanga manggau’

Napamattikang iloro’ bate salapang

Bunting nilekkakko pole

Tunipa’lele ballaka ripa’rasangang

Bori’ nampa nula’bakki, kamma tommako anjo sallang

Jonga matoa ri sampa’ mannawa nawa

Mangngayangngang tuni malo